虎友，你好！歡迎嚟到《ETF 基金入門課》
嚟緊嘅課程入面，我會為你介紹投資界中嘅「Super Star」—— ETF 基金。
呢次嘅 ETF 基金課程一共有 6 堂，分別係ETF 基金嘅概念同優勢，ETF 基金嘅分類，八個步驟揀出啱你嘅ETF 基金，ETF 基金嘅交易策略，ETF 基金定投同策略，投資 ETF 基金嘅風險，ETF定投實操教程。
透過呢 6 堂課程，我會由 0 到 1，教你點樣正確認識同交易ETF。
喺美國，ETF 已經越來越廣為人知同普遍。截止到2021年年底，股市中總共有2,900隻ETF。過去10年中，美國ETF嘅總規模由 13,497 億美元快速上升至 61,466 億美元。ETF 因為交易便捷，手續費低，品種齊全等原因，已經成為廣受投資者喜愛嘅金融產品之一。
而喺今堂，我會同你簡單介紹 ETF 基金嘅概念同優勢。
一、咩係 ETF 基金?
ETF嘅全名係Exchange-Traded Fund，又稱為「交易所交易基金」。為咗方便你理解，我把ETF拆解成三個部分嚟解釋：「交易+指數+開放式基金」
首先，講下「交易」；即係可以喺場內似股票咁交易嘅基金。
其次係「指數」；ETF係追蹤特定證券指數嘅基金，比如你經常聽到嘅標準普爾500指數，納斯達克指數，道瓊工業平均指數等，呢啲指數都有其對應嘅ETF基金。所以，投資者買賣一隻ETF，就等同於買賣佢所追蹤嘅指數，最終取得同該指數一致嘅收益率水平。
最後係「開放式基金」；ETF喺本質上屬於基金大類，每一隻ETF基金都係由基金公司發行並運作嘅；每支ETF都有一位基金經理。同時，ETF基金係隨時可以進行申購同贖回嘅開放式基金。
理解咗以上三點，就可以理解乜嘢係ETF啦。但好多投資者會問，市場上咁多優秀嘅金融產品啦，點解一定要揀ETF嚟投資呢？
我地先嚟睇一個關於股神巴菲特嘅故事。
二、點解巴菲特更建議投資者揀ETF基金？
喺美股投資市場中，流傳住一則故事，就係巴菲特喺自己嘅遺囑中忠告不善投資嘅老婆，如果要做投資，買標準普爾500指數基金就夠。呢種做法睇上去簡單，但卻非常有效，甚至比好多林林總總嘅對沖基金操作表現更好。
而喺2007年，巴菲特就同對沖基金經理泰德-西德斯定下賭約，賭對沖基金無法跑贏標準普爾500指數基金。
圖1，來源：量化研究猿公眾號 數據僅供參考，歷史表現唔代表對未來收益嘅任何預測或投資建議
圖2，來源：量化研究猿公眾號 數據僅供參考，歷史表現唔代表對未來收益嘅任何預測或投資建議
十年之後，正如圖1所示，泰德西德斯旗下嘅5隻對沖基金嘅表現果然都不如標準普爾500指數。但係贏得賭約嘅巴菲特嘅伯克希爾基金喺最近十年，同樣跑唔贏標準普爾500指數（圖2）；
最近10年標準普爾500指數年化收益達到咗12%以上，而伯克希爾則唔到11%。
我呢度並唔係話主動管理基金表現一定不如指數型嘅ETF，但係對於普通投資者嚟講，投資被動型ETF係唔錯嘅選擇。因為呢樣至少可以賺到自己睇中嘅資產嘅平均收益。
三、投資ETF基金嘅兩大優勢
除咗投資大師巴菲特嘅青睞之外，投資 ETF 基金仲具備以下兩大優勢：慳時同慳錢。
1、免除揀股
A. 免除揀股，分散風險
對於大部分投資者嚟講，股市交易嘅重點同難點就係揀股。
如果因為工作或者生活，你冇咁多嘅精力研究股票，揀一隻ETF基金或者係個唔錯嘅選擇。因為ETF代表咗一籃子股票，就算有一支股票業績太差，對於ETF整體而言亦影響較細。
所以，對我哋新手投資者嚟講，買入ETF唔僅免除咗揀股嘅難題，仲可以分散投資風險。
B. 資訊透明，風格穩定
相比普通嘅開放式基金，ETF喺資訊披露方面就有好大嘅優勢。ETF嘅持倉同權重每日披露，投資者可以去ETF發行商嘅官網查看，資訊透明度非常高。投資者唔僅僅可以查詢到上一個交易日成分股名稱、數量，仲可以查詢到預估現金部分等其他資訊。
至於交易時間方面，ETF 每隔幾秒就會更新一個基金淨值，同股票一樣，我哋可以隨時掌握其價格變動。相比只有每天收盤時先可以睇到淨值嘅基金，ETF嘅交易便捷性無疑大大增加咗投資效率，令整個投資過程更加省心。
C.交易機制靈活，資金使用效率高
喺買賣贖回方面，ETF亦都好靈活，好高效！
普通嘅開放式基金喺申購贖回時，都會按照交易日收盤後嘅淨值嚟進行計算。而 ETF 基金喺交易時段隨時可以按照市場價格嚟買賣，唔需要等到收盤時嘅淨值嚟結算。
如果當天市場大跌，ETF喺盤中即可賣出，唔單止可以更高效進行交易，仲能主動控制下跌帶嚟嘅浮虧。
當你要贖回基金時，普通嘅開放式基金一般需要 7-10 個工作日資金先可以到賬，呢段時間內，你無法再用呢啲資金進行其他交易。而贖回ETF基金之後，你可以馬上進行下一筆交易，呢就大大減少咗資金嘅等待時間。
2、慳錢
ETF嘅第二個優勢係慳錢。
喺美國，股票基金嘅平均年化管理費係1.42%，而股票類ETF只係0.53%。喺申購費用同贖回費用方面，ETF更係遠遠低於普通開放式基金。
你可千唔好睇少呢一啲管理費用，長期耗損落嚟，小數怕長計！如果你嘅本金係10萬美元，平均一年交易5次。算上申購費用，普通嘅開放式基金每次交易成本喺2%左右，ETF為0.8%。
假設把資金一次性買到一隻基金或者ETF中。開放式基金嘅單次交易成本為2,000美元，一年嘅總成本為10,000美元。ETF嘅單次交易成本為800美元，一年嘅總成本為4,000美元。
咁計法，交易ETF嘅成本唔到普通開放基金嘅一半。如果你交易頻率較高，ETF可以幫你慳唔少資金！
第一堂講到呢度先，簡單總結返：
呢節課我哋了解咗乜嘢係ETF基金，透過巴菲特嘅故事知道咗ETF基金長期嘅收益超過咗大部分嘅對沖基金。最後，ETF基金仲有眾多優勢，可以令你嘅投資更加省事同省錢。
下節課，我會帶你更深入嘅了解 ETF 大家庭，向你介紹 ETF 嘅分類，你就可以辨識邊啲係主動管理型ETF，邊啲係指數ETF啦！
各位虎友，我哋下堂再見！