虎友，你好！歡迎嚟到《ETF 基金入門課》
上一堂，我哋了解咗ETF基金嘅概念同優勢，ETF唔僅免除揀股，仲可以幫你慳錢。今堂，我哋嚟講下ETF嘅四大類型，令你更加清楚認識ETF呢個大家庭。
一、按照管理方式分類
首先，按照管理方式分類，ETF可以分為指數型ETF同埋主動型ETF。
1、指數型ETF
喺美股中，大家最熟悉嘅三大指數分別係道瓊工業平均指數，標準普爾500指數同納斯達克指數。如果你特別睇好其中一支指數，想拎到佢上升嘅收益，點樣做呢？
好簡單，搵到追蹤呢隻指數嘅ETF就得。比如，追蹤道瓊斯指數嘅ETF：DIA；追蹤納斯達克指數嘅ETF：QQQ；追蹤標普500指數嘅ETF：SPY。
請注意，追蹤某個指數嘅ETF可能唔止一隻架喎！我哋以標準普爾500指數嚟舉例，而家市場上追蹤標普500指數嘅ETF有好多，其中最廣為人知嘅主要有三隻，SPY, IVV, 同VOO。
呢三隻追蹤標普500指數嘅ETF有乜區別呢？答案係，冇咩區別，只係發行ETF嘅發行商唔同啫。
發行SPY嘅發行商係SPDR，全球第三大嘅資產管理公司，道富集團旗下嘅投資部門。發行IVV同VOO嘅發行商，分別係全球知名嘅先鋒集團（Vanguard）同全球最大嘅資產管理公司貝萊德（BlackRock)。
我哋喺老虎國際App上將呢三大ETF嘅走勢擬合喺一齊，就可以睇到，在過去8年間，佢哋嘅走勢基本相同，誤差非常細。
因此，指數型ETF亦都被稱作被動型ETF，主要目的係以追蹤指數嘅走勢，達到複製指數收益嘅效果。
（圖片來源：老虎國際PC端）
2、主動型ETF
相比追蹤指數嘅ETF，仲有一種ETF係由基金經理自己揀股同管理，被稱作主動型ETF。
由於基金管理人需要付出更多嘅勞動，所以主動型ETF嘅管理費一般會高於被動型ETF。但係，主動型ETF嘅表現並唔一定好過被動型ETF，例如下圖，根據晨星嘅數據，在過去十年，主動型ETF嘅年化超額收益絕大多數都喺0以下，超額收益為-0.5%嘅主動型基金最多。
（来源：晨星，數據截止日期是2019年12月31日且僅供參考，歷史表現並不代表對未來收益的任何預測或投資建議）
二、按照大類資產分類
按照大類資產分類，ETF可以分成股票ETF，債券ETF，另類資產ETF。
1、股票ETF
我哋可以將股市想像成水果市場，你可以自由購買任意一種水果。當然，亦都可以購買pack好嘅水果籃。喺現實嘅金融市場中，可以將水果市場理解為股票市場，將水果理解成股票，咁水果籃就係股票ETF咗。
作為金融市場嘅「水果籃」，股票ETF嘅每一個籃子都分好咗種類、權重唔等嘅股票，然後以基金份額嘅形式賣俾你。唔同嘅ETF股票持倉唔同，所以喺交易股票ETF之前，一定要判斷嗰隻ETF嘅成分股，睇下係咪滿足到自己嘅購買預期。
2、債券ETF
債券ETF又稱為債券型交易所基金，追蹤債券指數表現的ETF，以債券類指數為追蹤股票資產並試圖複製其收益率嘅交易型證券投資基金。
雖然債券ETF只包含債券，但係佢哋似股票一樣喺交易所交易，具有部分權益類證券嘅特性。相比普通債券，債券ETF有以下優勢：
（1）風險低；同股票ETF類似，債券ETF會配置種類眾多嘅債券，同單一債券相比具有明顯嘅數量優勢。債券ETF對單一突發事件嘅敏感性較低，跟單一債券相比，非系統性風險相對較細。
（2）交易簡單；透過ETF，投資者喺交易日可隨時買入或賣出，免去咗喺OTC市場內債券交易嘅複雜程序，只需要一部手機就可以交易；投資者只需要觀察目標指數嘅表現，就可以了解債券ETF嘅業績。
（3）收益穩定；歷史數據顯示，絕大部分主動基金經理難以長期戰勝市場，投資債券ETF減少咗由基金經理管理不善帶嚟嘅收益低於預期嘅唔確定風險，提供相對長期、穩定且便於預測嘅收益。
3、另類資產ETF
先來講講乜嘢係另類資產。另類資產嘅範圍非常廣泛，包含黃金與貨幣，大宗商品，房地產，私募股權，基礎設施等等。
其中，黃金ETF係市場中常見嘅交易品種。佢嘅絕大部分基金股票資產係以黃金資產為股票資產，緊密追蹤黃金價格，並喺證券交易所上市嘅開放式基金。
同理，大宗商品ETF，房地產ETF等都係以對應資產為投資資產，所以，另類資產ETF就係追蹤另類資產走勢嘅開放式基金。
另類資產嘅優勢喺：投資者可以用好低嘅門檻參與價格昂貴嘅黃金、原油、地產等交易，並且資金嘅流動性遠遠強於交易實物資產。
三、按照行業主題分類
按照行業或者主題分類，ETF可以分成行業ETF同主題ETF。
1、行業ETF
乜嘢係行業ETF呢？喺美國，常見嘅行業分類標準主要係GICS行業分類。按照呢個分類標準，美股可以分成11個一級行業，分別係能源，原材料，工業，可選消費，主要消費，醫療健康，金融，資訊科技，通訊，公共事業同房地產。
如果特別睇好某個行業，想要參與到呢個行業嘅投資中，應該點樣做呢？答案就係，購買對應行業嘅ETF。
美股11大板塊都有ETF覆蓋，而板塊之下嘅細分行業，我哋其實都可以搵到相應嘅被動型ETF進行投資。呢度我以醫療健康板塊為例，其三級子行業醫療保健設備、醫療保健服務、製藥、生物科技同生命科學都有相應嘅ETF跟踪。
（來源：彭博，MSCI）
2、主題ETF
了解咗行業ETF之後，我哋嚟睇睇主題ETF。
好多投資者可能會認為GICS嘅行業細分有啲過於條條框框，自己分唔清楚熟悉嘅公司屬於邊個細分行業，或者自己睇好嘅唔係某個細分行業，而係某個投資主題或者概念，咁主題ETF就係唔錯嘅選擇。
例如：取得咗突破式發展嘅雲計算行業，就有呢支 First Trust 嘅ETF SKYY 跟踪，其持倉包含亞馬遜、阿里巴巴、微軟、谷歌呢啲有一定規模嘅雲計算業務嘅巨頭，仲包括嘅像金山雲、MongoDB呢啲新寵。
而對於清潔能源情有獨鍾嘅投資者，仲可以搵到iShares發行嘅全球清潔能源ETF ICLN，佢跟踪嘅係標普全球清潔能源指數。
（來源：晨星，數據截至2020/11/30，數據僅供參考，唔代表對未嚟收益嘅任何預測或投資建議）
揀選行業同板塊，透過ETF購買整個行業中表現最好嘅公司，有助於豐富投資組合以及分散投資風險。
四、按照槓桿分類
按照是否加槓桿分類，ETF可以分成槓桿ETF同反向ETF。
1、槓桿ETF
槓桿ETF可以理解為加槓桿嘅ETF（Leveraged ETF），又稱長倉ETF(Bull ETF)，就係指喺普通嘅ETF上加上倍數槓桿，實現每日追踪目標指數收益嘅正向倍數(如1.5倍、2倍甚至3倍)嘅交易型開放式指數基金；
亦都係話，當目標指數收益變化1%時，基金淨值變化可以達到約定嘅1.5%、2%或3%。當槓桿倍數為1倍時，槓桿ETF實際上就相當於傳統ETF。
例如2倍標普500指數ETF（SSO），其意思就係：如果標準普爾500指數上升2%，咁加咗2倍槓桿嘅標普500指數ETF就會上升2X2%=4%。如果標準普爾500指數下跌2%，咁2倍槓桿標準普爾500指數ETF就會下跌4%。
2、反向ETF
反向ETF，又被稱作短倉ETF(Short ETF或Bear ETF)，係通過運用股指期貨、互換合約等槓桿投資工具，實現每日追踪目標指數收益嘅反向倍數(如-1倍、-2倍甚至-3倍)嘅交易型開放式指數基金；當目標指數收益變化1%時，基金淨值變化達到約定嘅-1%、-2%或-3%。
佢嘅作用係，讓投資者可以做空股市。反向ETF嘅邏輯好簡單。假設標準普爾500指數上升5%，咁反向ETF嘅投資目標應該係下跌5%。反之，如果標準普爾500指數下跌5%，咁反向ETF會期望實現上升5%。
喺下面嘅圖表中，我列舉咗常見嘅槓桿ETF同反向ETF俾你參考：
（來源：內部整理，TQQQ Prospectus；數據僅供參考，唔代表對未嚟收益嘅任何預測或投資建議）
槓桿型ETFs提供咗超過股票資產指數大幅收益嘅可能性，而反向型ETFs則有助於投資者對沖其投資組合。
然而，世界上冇免費嘅午餐，呢啲槓桿或反向ETF俾你提供咗槓桿，同時亦都會有相應嘅損耗，而且管理費亦比一般嘅被動型ETF要貴。投資者需要尤其注意呢啲產品說明書，知己知彼，先可以放心投資，如果唔係好有可能會喺極端嘅市場環境下面對清盤嘅風險。
講到呢度，ETF分類嘅知識就完啦。
上完呢堂之後你有冇發現，ETF嘅種類非常豐富，由指數到概念，都可以搵到追蹤佢嘅ETF，可謂萬物皆可ETF！
喺後面嘅課程中，透過更多ETF知識嘅學習，相信你會逐漸掌握呢啲ETF嘅特徵同買賣方法，讓你嘅投資更加高效！
下一堂，我會教你點揀適合你嘅ETF。
各位虎友，我哋下堂再見！
Disclaimer：
投資涉及風險，老虎證券對資訊準確性、完整性、及時性不做擔保，並不構成任何投資建議。基金投資面臨一定的風險，包括但不限於利率、信貸、行業前景和監管要求。 投資者在做出投資決定前, 應詳細閱讀相關發行文件並諮詢專業投資顧問。